Aruba, 22 augustus 2010.  E mihor tempo cu ela landa den e evento 400 meter Freestyle prome cu ela bai Singapore tabata 4:45.39 minuut. Despues di un bon actuacion, Saskia Postma ta kita no menos cu cuatro seconde di e tempo aki, marcando un tempo nobo di 4:41.63. Cu esaki e no ta logra pasa pa e ronda di semifinal, pero Saskia tabata masha satisfecho cu a resultado aki. E ta splica: “Mi a mehora mi tempo, a pone un record nobo y mi ta masha contento di por a participa na e Youth Olympic Games. Cu esaki mi ta bolbe Aruba satisfecho.”

Riba e portretnan por mira Saskia prome cu su competencia den e Singapore Sport School, caminda cu su aparencia y haltura ta logra acapara masha hopi atencion.