Dignitarionan tambe a bishita e delegacion Arubano na e Villa Olimpico di Londres

IMG 80692012-08-06. Durante di e estadia di nos atletanan na e Weganan Olimpico di Londres 2012, representantenan di nos pais tambe a realisa un bishita di cortesia na e Villa Olimpico. Algun dia atras su excelencia Minister di Salubridad Publico y Deporte Dr. Richard Visser a bishita nos delegacion na e Villa Olimpico. Aki e atletanan y e demas miembronan di e delegacion a papia cu Dr. Visser riba nan preparacion pa cu e competencia. Despues Dr. Visser y su acompañante a bishita

e comedor caminda nan a saborea e cuminda cu e deportistanan ta come.

Diadomingo ultimo, Parlamentario Marisol Lopez-Tromp hunto cu su famia tambe a bishita e Villa Olimpico unda nan a encontra cu e delegacion di Aruba. Parlamentario Lopez-Tromp a combersa cu e atletanan pa despues ricibi un recorido den henter e Villa. Tambe a haya e oportunidad di conoce e dormitorio di e delegacion.
Pa e delegacion Arubano tabata un honor di por a ricibi bishita di dignitarionan tan importante di nos pais y asina sinti nan mes apoya den nan prestacion deportivo.

mt_galllery

Copyright © by Comite Olimpico Arubano. All rights reserved.